Plantun de Prouvènço

Pèr coumpara dos planto d'encò nostre

Centranthus angustifolius & Pinguicula vulgaris

Centranthus angustifolius

Caprifoliaceae Valerianaceae

Nom en français : Centranthe à feuilles étroites.

Descripcioun :
Pan-cougiéu que trachis dins lis esboudèu de basso e mejano mountagno. Es esta, de-tèms, counfoundu emé lou pan-cougiéu de Lecoq, pamens si fueio soun mens larjo e subretout fai mens de 10 entre-nous pèr tijo. Coumpara emé lou pan-cougiéu o emé lou pan-cougiéu-de-Lecoq.

Usanço :
A bessai li mémis usanço que lou pan-cougiéu coumun.

Port : Grando erbo
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Centranthus
Famiho : Caprifoliaceae
Famiho classico : Valerianaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Endemico dis Aup

Liò : Esboudèu - Basso mountagno - Mountagno mejano
Estànci : Mountagnard
Couroulougi : Pancaro entresigna
Ref. sc. : Centranthus angustifolius (Mill.) DC., 1805

Erbo-grasso

Pinguicula vulgaris

Lentibulariaceae

Noms en français : Grassette commune, Langue-d'oie.

Descripcioun :
L'erbo-grasso trachis en mountagno, sus cauquié, dins li riéusset e àutri relarg bagna. Es uno planto carnivoro que pòu aganta de bestiouno emé si fueio pegouso à bord envertouia. Se destrìo de si cousino, mens coumuno, que si flour soun plato emé uno taco blanco sus li petalo que li bord soun pas gaire net.

Usanço :
Li fueio soun couneigudo pèr caia lou la, parié qu'en Suèdo se n'en servien. S'adoubo un sirop purgatiéu que sèrt peréu pèr gari contro lis escarto de pèu. Aro s'atrobo en fitouterapìo pèr sougna lou tussi (espetouranto), li mau de garganto e apasima li nèrvi. S'adoubo en tisano, 20 g de fueio emé de mèu e de jus de limoun. Pamens la planto èi proutejido dins d'ùni relarg.